Home > News & Events > केटु आरोही भन्छनः घरमा हिरो थियौ, विदेशमा थिएनौ, अब विदेशमा पनि भयौं

केटु आरोही भन्छनः घरमा हिरो थियौ, विदेशमा थिएनौ, अब विदेशमा पनि भयौं

केटु आरोही भन्छनः घरमा हिरो थियौ, विदेशमा थिएनौ, अब विदेशमा पनि भयौं

१४ मध्ये १३ वटामा विदेशीको रेकर्ड, एउटामा नाम राख्न केटु चढ्यौ

अभिनन्दन थापेको आरोही टोली । तस्बिरः उमेश पुन÷नागरिक

‘माइनस ६५ डिग्रीको चिसोमा पाँचमिनेट मात्र चल्न नसके समस्या आउँथ्यो । खुट्टा, गालामा समस्या आयो । एकपाइला टेक्दा स्याँ–स्याँ र फ्याँ–फ्याँ हुन्थ्यो । यस्तो दुख किन गरेको होला भन्ने लाग्न सक्छ, तर, उद्देश्य, लक्ष्य पूरा गर्न यस्ता काम गर्न सकिन्छ,’ विश्वकै दोस्रो अग्लो शिखर माउन्ट केटु (८६११ मिटर) आरोहण गरेर हिमाल आरोहणको इतिहास रचेका निर्मल पुर्जा ‘निम्स’ सोमबार पोखरामा अनुभव सुनाउँदै थिए ।

पुर्जा सहितका १० नेपाली आरोही समूहले हालै केटु हिमाल आरोहणमा कीर्तिमान कायम गरेका थिए । विश्वमै ऐतिहासिक रेकर्ड कायम गरेको भन्दै पोखरेली पर्यटन व्यवसायीले उनै आरोही समुहलाई अभिनन्द गर्न आयोजित कार्यक्रममा पुनले भने, ‘अग्ला हिमालको देशको सबै रेकर्ड विदेशीले बनाइसके । नेपालीको नाममा रेकर्ड नरहने अवस्था आएपछि विन्टरमा यो आरोहणको योजना बनाएका हौ ।’

संसारको दोस्रो सर्वोच्च शिखरमा हालसम्म हिउँद याममा कोही पनि पुग्न नसकेको अवस्थामा नेपाली आरोहीले कीर्तिमानी कायम राख्नकै लागि यो साहस बटुलेको पुर्जाले बताए । ‘विश्वमा १४ वटा ८ हजार मिटर भन्दा अग्ला हिमाल छन् । ती मध्ये ८ वटा नेपालमा छन् । नेपाललाई ८ हजार मिटर अग्ला हिमालको घर भनिन्छ,’ उनले भने, ‘तर १४ मध्ये १३ वटामा विदेशीले रेकर्ड बनाएका छन् । चिसोमा विदेशीले चढे भने बाहिर गएर हाम्रो रेकर्ड केही देखिँदन । हामी जति नै सुकै खोकेपछि विदेशमा चिनिँदैनौ । खै तिमिहरुले के ग¥यौ भन्छन, त्यसैले विश्वमा केही देखाउनु थियो, त्यसका लागि तयार भयौं ।’

‘हामीसँग ८ हजार मिटर अग्ला हिमाल छन् भन्ने मात्र थियो, तर, हाम्रो नाममा रेकर्ड थिएन, उनले भने, ‘हामी घरमा हिरो थियौ, तर विदेशमा थिएनौ । विदेशीले चढेको भए १४ वटै रेकर्ड विदेशीको नाममा रहन्थ्यो, अनि हामीले गर्व गर्ने ठाउँ हुने थिएन । त्यही रेकर्ड कायम गर्न चाहेका थियौ ।’

ब्रिटिस लाहुरेको जागिर छाडेर पुर्जा आरोहणमा लागेका थिए । जागिरबाट निवृत्त हुन ६ वर्ष बाँकी छँदा २०१९ मा उनले जागिर छाडेका थिए । ‘१६ वर्ष जागिर गरेको मेरो पेन्सन पाक्न ६ वर्ष बाँकी थियो । पेन्सन मुखमा आएको बेला जागिर छाडे,’ उनले सुनाए, ‘विश्वमा १४ वटा ८ हजार मिटर माथिका हिमाल ७ महिनामा चढ्ने घोषणा गर्दा मलाई संसारले बहुलायो भन्थे । किनकी ८ वर्षको रेकर्ड ७ महिनामा कसरी तोड्न सक्छ भनेर अरुले पत्याएनन । तर, मैले त्यो लक्ष्य पुरा गर्न आँट गरिसकेको थिए ।’

आरोहण सफल पार्न सहयोग माग्न जाँदा पनि नपत्याएपछि घर बेचेर योजनामा अघि बढेको उनले बताए । ‘जसरी भएपनि म चढ्नु थियो । सहयोग माग्न जाँदा मलाई दिएनन् । यो काम मेरा लागि थिएन । मेरो व्यक्तिगत लाभ हुने भए यो काम गर्ने थिइन्,’ उनले भने, ‘मैले विश्वलाइ देखाउनु थियो । असम्भव केही छैन भनेर देखाउनु थियो । २०१९ मा सबै सान, पैसा, मान सम्मान छाडेर म केटुको तयारी लागे ।’

उनका अनुसार केटु आरोहण निकै नै चुनौतीपूर्ण छ । केटुको आरोहणमा जाँदा गर्मिमा पनि प्रत्येक ४ जना आरोही मध्ये १ जना मर्छन । हालै पनि त्यही हिमाल आरोहणका तीनजना बेपत्ता छन् । दुईजनाको यो चिसोमा ज्यान गइसकेको उनले बताए । ‘सजिलो थिएन, आरोहणमा सहभागि १० जना नेपालीको मनमा यो देशका लागि भन्ने भावना उब्जेको थियो,’ उनले भने ।

विश्वकै दोस्रो अग्लो शिखर माउन्ट केटु (८६११ मिटर) आरोहण गरेर हिमाल आरोहणको क्षेत्रमा इतिहास रचेका उनै नेपाली आरोहीलाई सोमबार पोखरामा भव्य सम्मान गरिएको छ । आरोहीले गण्डकी प्रदेशको पहिचान बढाएको भन्दै पोखराका पर्यटन व्यवसायीले आरोहीलाई स्वागत गरेका हुन् ।  सोमबार बिहान काठमाडौंबाट जहाजमार्फत पोखरा आएका सबै आरोहीलाई सम्मानस्वरुप बजार परिक्रमा गराइएको थियो । आयोजक पोखरा पर्यटन परिषद् (पिटिसी)ले आरोहीको सम्मानमा कार्यक्रम आयोजना गरेको हो ।

प्रकाशित: २६ माघ २०७७ १८:४५ सोमबार

 खुशी 80 %

You may also like...

“प्रविधिको प्रयोगले सुशासन स्थापित गर्न सघाउँछ ” पोखरा, १३ चैत । नेपाल पर्यटनबोर्ड गण्डकी प्रदेशका प्रमुख काशिराज भण्डारीले प्रविधिले आमने सामने भएर गरिने कामलाई कम गराउँदै छिटो र छरितोसँगै सुशासनमा स्थापित गर्न पनि सघाउ पु¥याउने बताउनु भएको छ । पोखरा पर्यटन परिषदले संस्थामा आवद्ध पर्यटन व्यवसायीहरुका लागि आयोजना गरेको दुई दिने डिजिटलमार्केटिङ एण्ड सोसल मिडिया तालिमको बिहिबार समापन समारोहमा भण्डारीले डिजिटल मार्केटिङबाट विश्वलाई जोडेर पर्यटन प्रर्वद्धन गर्न सकिने र प्रविधिबाट हरेक गतिविधि पारदर्शी हुने हुँदा सुशासन कायम हुने बताउनु भएको हो । उहाँले पछिल्लो समय पर्यटनमा सोसल मिडिया पनि निकै शक्तिशाली माध्यम बन्दै गएको जनाउँदै यसको सही सदुपयोग गरेर फाइदा लिन व्यवसायीलाई आग्रह गर्नुभयो । “प्रतिष्पर्धाको बजारमा डिजिटल मार्केटिङमा पछाडि परे व्यवसाय पनि पछाडि पर्ने पर्छ, प्रविधिमैत्री पूर्वाधारसँगै यस विषयको ज्ञानलिन सके पर्यटन क्षेत्रलाई थप व्यवस्थित गराउन सकिन्छ ।” भण्डारीले भन्नुभयो । नेपाल पर्यटनबोर्ड गण्डकी प्रदेशको प्रवद्र्धनमा सम्पन्न तालिममा परिषदका संस्थाका संस्थापक अध्यक्ष अशोक पालिखेले प्रविधिको प्रयोगलाई सदुपयोग गर्न सके व्यवसायिक सफलता हासिल गर्न सकिने बताउनुभयो । कोभिड १९ को कारणले व्यवसायमा शिथिलता आएको जनाउँदै अब प्रविधिको माध्यमबाट पोखराको पर्यटनलाई ब्राण्डिङ गर्न नविनतम् सोचको खाँचो औल्याउनुभयो । कार्यक्रमको अध्यक्षता ग्रहण गरिरहनु भएका परिषद्का उपाध्यक्ष पोमनारायण श्रेष्ठले पर्यटन क्षेत्रलाई प्रविधि मैत्री बनाएर गुणस्तरीय सेवाप्रदान गर्नका लागि तालिम सञ्चालन गरेको बताउनुभयो । उहाँले पर्यटन व्यवसायीको क्षमता अभिवृद्धिका लागि यस तालिमले सघाउ पुर्याउने विश्वास व्यक्त गर्नुभयो । सहभागीको तर्फबाट तालिमको अनुभव राख्दै कमला गिरीले विश्वको जुनसुकै स्थानमा बसेर पनि डिजिटिल मार्केटिङबाट व्यवसाय प्रवद्र्धन गर्न सकिने कुरा तालिमको सैद्धान्तिक व्यवहारिक ज्ञानबाट हासिल गर्न सफल भएको बताउनुभयो । तालिमका प्रशिक्षक पारस देवकोटाले सहभागीहरुले डिजिटल र सोसल मिडियाको बारेमा विभिन्न जिज्ञासासहित सहभागीता जनाएको बताउनुभयो । फेसबुक र गुगलबाट व्यवसायको प्रवद्र्धनका लागि सहभागीले बढी रुची देखाएको उहाँको भनाइ थियो ।सोसल साइटमा अनुत्पादक समय खर्च गर्नु भन्दा व्यवसायीक रुपबाट समय दिन सके व्यवसायिक लाभलिन सकिने उहाँको भनाइ थियो । । देवकोटासँगै सो तालिममा उज्जवल पौडेल, सुमिरन केसी, प्रतीकमणी पौडेलले समाजिक सञ्जाल र डिजिल मार्केटिङ सम्बन्धि विविध विषयको सैद्धान्तिक र व्यवहारिक प्रशिक्षण दिनुभएको थियो । संस्थाका महासचिव रामचन्द्र शर्माले परिषदसँग आवद्ध १२ संस्था करिब एक सय जना पर्यटन व्यवसायीहरु तालिममा सहभागिता रहेको र उनीहरुलाई सहभागिताको प्रमाणपत्र वितरण गरिएको जानकारी दिनुभयो ।

Leave a Reply

Your email address will not be published. Required fields are marked *