Home > News & Events > मर्दी हिमाल पदयात्रा सुरु

मर्दी हिमाल पदयात्रा सुरु

मर्दी हिमाल पदयात्रा सुरु

आइतबार, ०१ चैत २०७७

 

समाधान संवाददाता, पोखरा

पदयात्रालाई चाहिने ट्रेकिङ सामग्री बेच्ने पोखरामा ७५ वटा पसल छन् । आफूले बेचेको सामानले पदयात्रीलाई कति सहज÷असहज भयो भन्ने अधिकांश व्यापारी जानकार छैनन् । आफैंले बेच्ने सामग्रीसहित ट्रेकिङ रुटबारे बुझ्न पोखराका ट्रेकिङ सप संचालक ४ दिने पदयात्रामा निस्किएका छन् ।

पदयात्रालाई आवश्यक सामग्री प्रयोग, प्रचार गर्न र तिनिहरुको विश्वसनीयता बुझ्न ट्रेकिङ इक्युपमेन्ट सप एसोसिएसन (टेसा) पोखराको आयोजनामा आइतबारदेखि मर्दी हिमाल पदयात्रा तथा पदयात्रा सामग्री चिनारी कार्यक्रम सुरु भएको हो ।

टोलीमा ट्रेकिङ सप व्यवसायीसहित होटल व्यवसायी, अन्य पर्यटन व्यवसायी र पत्रकार गरेर ३० जना सहभागी छन् ।

आउँदो चैत ४ गतेसम्म यो टोली मर्दीको ४ हजार उचाइमा रहेको भ्युपोइन्टसम्म पुग्ने टेसाका निवर्तमान अध्यक्ष एवं पदयात्रा संयोजक रामचन्द्र गिरिले जानकारी दिए । काँडेबाट पैदलयात्रा थालेको टोली पहिलो दिन ८ घन्टा हिँडेर २५ सय उचाइको फरेस्ट क्याम्पमा बसेको छ ।

‘हामीले पर्यटकलाई पदयात्रालाई चाहिने सामग्री बेच्छौं । हिँड्दाहिँड्दै त्यो सामग्रीले केही समस्या आउन सक्छ,’ टेसा पोखरा अध्यक्ष नारायण सापकोटाले भने, ‘यहाँ एकपटक आएपछि भोलि ग्राहकलाई पनि के(के लैजानपर्छ भनेर अनुभवसहित जानकारी दिन पाइन्छ ।’

टोलीलाई आइतबार पोखराबाट बिदाइ गर्दै पोखरा पर्यटन परिषदका अध्यक्ष गोपी भट्टराईले कोभिड १९ बाट पदयात्रा पर्यटन सुरक्षित रहेको सन्देश दिन पदयात्राले महत्वपूर्ण भूमिका खेल्ने विश्वास व्यक्त गरे ।

‘ट्रेकिङ ट्रेलमा विदेशीको आकर्षण बढेको छ । अहिले विदेशी पर्यटक आउने अवस्था छैन,’ उनले भने, ‘पोखरा, देश र विदेशमा पनि प्रचार गर्न आवश्यक छ ।’

आन्तरिक पर्यटन उत्थान गण्डकी संयोजक अग्नी कँडेलले मर्दीमा पर्यटकको आकर्षण बढेको र अब संरक्षण गर्नुपर्नेतर्फ ध्यान दिनुपर्ने बताए । ‘मर्दीलाई कसरी संरक्षण गर्न सकिन्छ भन्ने स्थानीयसँग छलफल गर्नुस्, सरकारलाई सुझाव दिने, सुझाव सल्लाह दिए सरकारले नीति बनाउने हो,’ उनले भने ।

आइतबार फरेस्ट क्याम्पमा बसेको टोली सोमबार बिहान बादल डाँडा हुँदै हाइक्याम्प पुगेर बाँस बस्नेछ । मंगलबार हाइक्याम्पबाट भ्यु पोइन्ट जाने टोली सोही दिन बादलडाँडा फर्किएर बाँस बस्नेछ । बुधबार त्यहाँबाट सिदिङ, लुम्रे हुँदै पोखरा फर्किने छ ।

You may also like...

“प्रविधिको प्रयोगले सुशासन स्थापित गर्न सघाउँछ ” पोखरा, १३ चैत । नेपाल पर्यटनबोर्ड गण्डकी प्रदेशका प्रमुख काशिराज भण्डारीले प्रविधिले आमने सामने भएर गरिने कामलाई कम गराउँदै छिटो र छरितोसँगै सुशासनमा स्थापित गर्न पनि सघाउ पु¥याउने बताउनु भएको छ । पोखरा पर्यटन परिषदले संस्थामा आवद्ध पर्यटन व्यवसायीहरुका लागि आयोजना गरेको दुई दिने डिजिटलमार्केटिङ एण्ड सोसल मिडिया तालिमको बिहिबार समापन समारोहमा भण्डारीले डिजिटल मार्केटिङबाट विश्वलाई जोडेर पर्यटन प्रर्वद्धन गर्न सकिने र प्रविधिबाट हरेक गतिविधि पारदर्शी हुने हुँदा सुशासन कायम हुने बताउनु भएको हो । उहाँले पछिल्लो समय पर्यटनमा सोसल मिडिया पनि निकै शक्तिशाली माध्यम बन्दै गएको जनाउँदै यसको सही सदुपयोग गरेर फाइदा लिन व्यवसायीलाई आग्रह गर्नुभयो । “प्रतिष्पर्धाको बजारमा डिजिटल मार्केटिङमा पछाडि परे व्यवसाय पनि पछाडि पर्ने पर्छ, प्रविधिमैत्री पूर्वाधारसँगै यस विषयको ज्ञानलिन सके पर्यटन क्षेत्रलाई थप व्यवस्थित गराउन सकिन्छ ।” भण्डारीले भन्नुभयो । नेपाल पर्यटनबोर्ड गण्डकी प्रदेशको प्रवद्र्धनमा सम्पन्न तालिममा परिषदका संस्थाका संस्थापक अध्यक्ष अशोक पालिखेले प्रविधिको प्रयोगलाई सदुपयोग गर्न सके व्यवसायिक सफलता हासिल गर्न सकिने बताउनुभयो । कोभिड १९ को कारणले व्यवसायमा शिथिलता आएको जनाउँदै अब प्रविधिको माध्यमबाट पोखराको पर्यटनलाई ब्राण्डिङ गर्न नविनतम् सोचको खाँचो औल्याउनुभयो । कार्यक्रमको अध्यक्षता ग्रहण गरिरहनु भएका परिषद्का उपाध्यक्ष पोमनारायण श्रेष्ठले पर्यटन क्षेत्रलाई प्रविधि मैत्री बनाएर गुणस्तरीय सेवाप्रदान गर्नका लागि तालिम सञ्चालन गरेको बताउनुभयो । उहाँले पर्यटन व्यवसायीको क्षमता अभिवृद्धिका लागि यस तालिमले सघाउ पुर्याउने विश्वास व्यक्त गर्नुभयो । सहभागीको तर्फबाट तालिमको अनुभव राख्दै कमला गिरीले विश्वको जुनसुकै स्थानमा बसेर पनि डिजिटिल मार्केटिङबाट व्यवसाय प्रवद्र्धन गर्न सकिने कुरा तालिमको सैद्धान्तिक व्यवहारिक ज्ञानबाट हासिल गर्न सफल भएको बताउनुभयो । तालिमका प्रशिक्षक पारस देवकोटाले सहभागीहरुले डिजिटल र सोसल मिडियाको बारेमा विभिन्न जिज्ञासासहित सहभागीता जनाएको बताउनुभयो । फेसबुक र गुगलबाट व्यवसायको प्रवद्र्धनका लागि सहभागीले बढी रुची देखाएको उहाँको भनाइ थियो ।सोसल साइटमा अनुत्पादक समय खर्च गर्नु भन्दा व्यवसायीक रुपबाट समय दिन सके व्यवसायिक लाभलिन सकिने उहाँको भनाइ थियो । । देवकोटासँगै सो तालिममा उज्जवल पौडेल, सुमिरन केसी, प्रतीकमणी पौडेलले समाजिक सञ्जाल र डिजिल मार्केटिङ सम्बन्धि विविध विषयको सैद्धान्तिक र व्यवहारिक प्रशिक्षण दिनुभएको थियो । संस्थाका महासचिव रामचन्द्र शर्माले परिषदसँग आवद्ध १२ संस्था करिब एक सय जना पर्यटन व्यवसायीहरु तालिममा सहभागिता रहेको र उनीहरुलाई सहभागिताको प्रमाणपत्र वितरण गरिएको जानकारी दिनुभयो ।

Leave a Reply

Your email address will not be published. Required fields are marked *