Home > News/Events > ‘हिमालले महिला र पुरुष आरोही भनेर चिन्दैन’

‘हिमालले महिला र पुरुष आरोही भनेर चिन्दैन’

‘हिमालले महिला र पुरुष आरोही भनेर चिन्दैन’

अन्नपूर्ण आरोहीलाई पोखरामा गरिएको सम्मान । तस्बिरः सन्तोष पोखरेल÷नागरिक

हो, अन्नपूर्ण प्रथम (८०९१ मि) आरोहण निकै नै जोखिमपूर्ण छ भन्ने उनलाई थाहा थियो, तरपनि, त्यही जोखिमपूर्ण हिमालको चुचुरोमा नेपाली महिलाको पहिलो पाइला पु¥याउने हुट्हुटीले भने उनलाई छाडेको थिएन । आखिर जोखिमपूर्ण भनिएको आरोहण उनले फत्ते गरेरै छाडिन् ।

आरोही पूर्णिमा श्रेष्ठ सहितको टोलीले अन्नपूर्ण प्रथम आरोहणको अनुभव सुनाइरहँदा उनीहरुले देखाएको साहसको खुलेरै प्रशंसा भईरहेको थियो । श्रेष्ठले यसअघि सगरमाथा, आमादब्लम र मनासलु हिमालको समेत आरोहण गरिसकेकी छिन् । गोरखाकी श्रेष्ठले धौलागिरी र अन्नपूर्ण प्रथममा नेपाली महिला नपुगेको थाहा पाएपछि आरोहणको रुची जागेको बताईन् ।

‘धौलागिरी र अन्नपूर्ण प्रथममा नेपाली महिला नपुगेको थाहा पाएकी थिए,’ पदयात्रा व्यवसायीको छाता संस्था ट्रेकिङ एजेन्सीज एशोसिएसन अफ नेपाल (टान) पश्चिमाञ्चल क्षेत्रीय संघले गरेको सम्मान थाप्दै श्रेष्ठले भनिन,‘अन्नपूर्ण प्रथम आरोहण निकै नै जोखिमपूर्ण छ । बाटो छैन र हिमपहिरोको उत्तिकै डर छ भन्ने थाहा थियो । तर, त्यो डरत्रासभित्र आँट पनि थियो ।’

अन्नपूर्ण प्रथम आरोहणको चाहना २०१९ मै पुरा गर्ने चाहना उनमा थियो, तर उनले त्यो बेला पाइनन् । ‘आधारशिविर पुग्दासम्म म एक्ली महिला आरोहणमा निस्केकी छु जस्तो लागेको थियो । तर, जब आधारशिविर पुगेर अरु ५ जना महिला आरोहीलाई भेटेपछि झनै आँट पलायो,’ उनले सुनाइन, ‘आरोहण टिममा ६ जना महिला भएपनि झनै ढुक्क भए । अब भने अन्नपूर्ण प्रथम आरोहणको सपना पुरा हुने भयो भन्ने लाग्यो ।’

गोरखाकी उनले प्रदेशको पर्यटन व्यवसाय उकास्न आरोहणको महत्व बुझेकी छिन् । आफ्नो प्रदेशको विकासको लागि केही गर्नुपर्छ भन्ने सोच थियो, त्यही पुरा गर्नका लागि पनि जोखिमपूर्ण आरोहणमा पाइला चालेको श्रेष्ठले बताईन ् । ‘हुन त मैले यसअघि नै तीनवटा हिमाल आरोहण पुरा गरेकी थिए । तर अन्नपूर्णमा पलपलमा डर थियो । महिला भएर जोखिमपूर्ण आरोहणमा निस्केको भन्दा झनै चिन्ता लाग्थ्यो,’ उनले भनिन, ‘तर, हिमाल आरोहणले महिला र पुरुष आरोही भनेर चिन्दैन, आरोहणको अप्ठेरो सबै आरोहीलाई हुन्छ भनेर चित्त बुझाउँथे ।’

यही समुहकी अर्कि आरोही माया शेर्पाले अन्नपूर्णमा प्रथम आरोहण सफल भएको सातदशकपछि नेपाली महिलाको पाइला पुग्नु आफैमा साहसिक काम भएको बताईन । शेर्पाले पनि अन्नपूर्ण प्रथम आरोहण अघिल्लै वर्ष पुरा गर्ने लक्ष्य राखेकी थिइन, तर कोरोना भाइरस संक्रमणका कारण पुरा हुन पाएको थिएन । ‘अन्नपूर्ण आरोहण निकै नै चुनौतीपूर्ण हो, त्यसमा पनि जोखिमयुक्त पहिचान भएका हिमालको आरोहण त झनै गाह्रो,’ शेर्पाले भनिन, ‘तर आरोहण पुरा गरेर नेपाली महिलाको साहसलाई विश्वमाझ चिनाउन सकिएको छ ।’

शेर्पाका अनुसार समुहमा रहेका ६ जना महिलामध्ये ३ जना विवाहित थिए । उनीहरुका छोराछोरी छन् । आरोहणका क्रममा तिनै छोराछोरी सम्झिएर पनि आँशु बगेको शेर्पाले बताइन । ‘क्याम्पमा सुत्दा पनि जोखिम थियो । धरापयुक्त खोँचको माथिको क्याम्पमा बाध्य भएर सुत्यौ,’ उनले भनिन, ‘हिउँको पहिरो झरेको आवाज सुन्दा सुत्नै नपरे पनि हुन्थ्यो भन्ने लाग्थ्यो, तर, नसुति हुँदैनथ्यो ।’ ‘मरिन्छ वा बाचिन्छ भन्ने नै थाहा हुँदैन, तर, आरोहण पुरा गर्न सकियो । यसले विश्वमा नेपालको आरोहणलाई पहिचान दिलाएको छ,’ उनले भनिन ।

अन्नपूर्ण प्रथम आरोहणमा सफलता हात पारेका उनै आरोहीलाई पोखरामा सोमबार अबेर सम्मान गरिएको थियो । समुहमा रहेका पूर्णिमा श्रेष्ठ, माया शेर्पा, शर्मिला तामाङ, पासाङ ल्यामु शेर्पा, दावा याङजेन शेर्पा, दावा फुटि शेर्पालाई सम्मान गरिएको थियो । उनीहरुले गत शुक्रबार दिउँसो साढे १ बजे आरोहण पुरा गरेका थिए ।

उनै आरोहीलाई पोखरामा सम्मान गर्दै पर्यटन व्यवसायीले नेपाली महिलाले विश्वमै साहस प्रकट गरेको बताए । पर्यटन बोर्डका पोखरा म्यानेजर विमल कँडेलले कोरोनाले थलिएको पर्यटन क्षेत्रमा आरोहण सफलताले आशाको झिल्को देख्न पाएको बताए । निकै नै जोखिमपूर्ण हिमाल आरोहण गरेर महिलाले नेपाली आरोहण इतिहासमा आफुलाई सक्षम दर्ज गर्न सफल भएको उनले बताए । महिला घरभित्र मात्र सिमित हुन्छन भन्ने घेरालाई फराकिलो बनाउन सफल भएको उनले बताए ।

कार्यक्रममा पोखरा पर्यटन परिषदका अध्यक्ष गोपि भट्टराइले आरोहण क्षेत्रलाई सुरक्षित बनाउनका लागि अब ध्यान दिनुपर्ने बताए । ‘आरोहणलाई सुरक्षित बनाउन अब ध्यान दिने बेला भएको छ,’ भट्टराइले भने, ‘पदयात्रा क्षेत्रलाई सुरक्षित बनाउन अब सबैले ध्यान दिनुपर्छ ।’

टान पश्चिमाञ्चलका अध्यक्ष सु्शील पौडेलले पर्यटन क्षेत्रमा महिला आरोहीको सफलताले सबैलाई गौरभान्वित बनाएको बताए । ‘अन्नपूर्ण आरोहणको सफलताले पर्यटन क्षेत्रमा आशाको किरण पलाएका छन । अहिलेको अप्ठेरोमा पनि यो सफलता हात परेको छ,’ पौडेलले भने, ‘सुस्ताएको पर्यटन क्षेत्रलाई ब्यूताउने प्रयास भएको छ

You may also like...

“प्रविधिको प्रयोगले सुशासन स्थापित गर्न सघाउँछ ” पोखरा, १३ चैत । नेपाल पर्यटनबोर्ड गण्डकी प्रदेशका प्रमुख काशिराज भण्डारीले प्रविधिले आमने सामने भएर गरिने कामलाई कम गराउँदै छिटो र छरितोसँगै सुशासनमा स्थापित गर्न पनि सघाउ पु¥याउने बताउनु भएको छ । पोखरा पर्यटन परिषदले संस्थामा आवद्ध पर्यटन व्यवसायीहरुका लागि आयोजना गरेको दुई दिने डिजिटलमार्केटिङ एण्ड सोसल मिडिया तालिमको बिहिबार समापन समारोहमा भण्डारीले डिजिटल मार्केटिङबाट विश्वलाई जोडेर पर्यटन प्रर्वद्धन गर्न सकिने र प्रविधिबाट हरेक गतिविधि पारदर्शी हुने हुँदा सुशासन कायम हुने बताउनु भएको हो । उहाँले पछिल्लो समय पर्यटनमा सोसल मिडिया पनि निकै शक्तिशाली माध्यम बन्दै गएको जनाउँदै यसको सही सदुपयोग गरेर फाइदा लिन व्यवसायीलाई आग्रह गर्नुभयो । “प्रतिष्पर्धाको बजारमा डिजिटल मार्केटिङमा पछाडि परे व्यवसाय पनि पछाडि पर्ने पर्छ, प्रविधिमैत्री पूर्वाधारसँगै यस विषयको ज्ञानलिन सके पर्यटन क्षेत्रलाई थप व्यवस्थित गराउन सकिन्छ ।” भण्डारीले भन्नुभयो । नेपाल पर्यटनबोर्ड गण्डकी प्रदेशको प्रवद्र्धनमा सम्पन्न तालिममा परिषदका संस्थाका संस्थापक अध्यक्ष अशोक पालिखेले प्रविधिको प्रयोगलाई सदुपयोग गर्न सके व्यवसायिक सफलता हासिल गर्न सकिने बताउनुभयो । कोभिड १९ को कारणले व्यवसायमा शिथिलता आएको जनाउँदै अब प्रविधिको माध्यमबाट पोखराको पर्यटनलाई ब्राण्डिङ गर्न नविनतम् सोचको खाँचो औल्याउनुभयो । कार्यक्रमको अध्यक्षता ग्रहण गरिरहनु भएका परिषद्का उपाध्यक्ष पोमनारायण श्रेष्ठले पर्यटन क्षेत्रलाई प्रविधि मैत्री बनाएर गुणस्तरीय सेवाप्रदान गर्नका लागि तालिम सञ्चालन गरेको बताउनुभयो । उहाँले पर्यटन व्यवसायीको क्षमता अभिवृद्धिका लागि यस तालिमले सघाउ पुर्याउने विश्वास व्यक्त गर्नुभयो । सहभागीको तर्फबाट तालिमको अनुभव राख्दै कमला गिरीले विश्वको जुनसुकै स्थानमा बसेर पनि डिजिटिल मार्केटिङबाट व्यवसाय प्रवद्र्धन गर्न सकिने कुरा तालिमको सैद्धान्तिक व्यवहारिक ज्ञानबाट हासिल गर्न सफल भएको बताउनुभयो । तालिमका प्रशिक्षक पारस देवकोटाले सहभागीहरुले डिजिटल र सोसल मिडियाको बारेमा विभिन्न जिज्ञासासहित सहभागीता जनाएको बताउनुभयो । फेसबुक र गुगलबाट व्यवसायको प्रवद्र्धनका लागि सहभागीले बढी रुची देखाएको उहाँको भनाइ थियो ।सोसल साइटमा अनुत्पादक समय खर्च गर्नु भन्दा व्यवसायीक रुपबाट समय दिन सके व्यवसायिक लाभलिन सकिने उहाँको भनाइ थियो । । देवकोटासँगै सो तालिममा उज्जवल पौडेल, सुमिरन केसी, प्रतीकमणी पौडेलले समाजिक सञ्जाल र डिजिल मार्केटिङ सम्बन्धि विविध विषयको सैद्धान्तिक र व्यवहारिक प्रशिक्षण दिनुभएको थियो । संस्थाका महासचिव रामचन्द्र शर्माले परिषदसँग आवद्ध १२ संस्था करिब एक सय जना पर्यटन व्यवसायीहरु तालिममा सहभागिता रहेको र उनीहरुलाई सहभागिताको प्रमाणपत्र वितरण गरिएको जानकारी दिनुभयो ।

Leave a Reply

Your email address will not be published. Required fields are marked *