Home > News/Events > क्यान्सरका बिरामीलाई पोखराबाट भरतपुर र काठमाडौँ जान आउन पर्यटक बसमा निःशुल्क

क्यान्सरका बिरामीलाई पोखराबाट भरतपुर र काठमाडौँ जान आउन पर्यटक बसमा निःशुल्क

क्यान्सरका बिरामीलाई पोखराबाट भरतपुर र काठमाडौँ जान आउन पर्यटक बसमा निःशुल्क

हिमाली आवाज । नेपाल एशोशिएसन अफ टुर तथा ट्राभल्स एजेन्ट्स(नाटा) पोखराले क्यान्सरका बिरामीलाई पोखरादेखी काठमाडौँ र भरतपुर जान आउन निःशुल्क पर्यटक बसको टिकट उपलव्ध गराउने भएको छ ।

यस सम्वन्धमा आज नाटा र नेपाल अर्बुद रोग निवारण संस्थाबीच सम्झौता सम्पन्न भयो । बिमारीको उपचारको लागि अर्बुद रोग संस्थाको सिफारिसमा भरतपुर वा काठमाण्डौ पर्यटक बसमा जाने आउने टिकट व्यवस्था निशुल्क गर्ने गरी सम्झौता भएको नाटाका अध्यक्ष सञ्जयकान्त सिग्देलले जानकारी दिनुभयो ।

यसैगरी नाटाले संस्थाका पुर्व अध्यक्ष हरि प्रसाद शर्मा उद्योग बाणिज्य महासंघ गण्डकी प्रदेश सदस्यमा मनोनीत, संघका सदस्य देबेन्द्र के.सी. पोखरा उद्योग बाणिज्य संघको कार्यसमिति सदस्यमा र संघका सदस्य गोपाल सङ्ग्रौला टान पश्चिमाञ्चलको कार्यसमिति सदस्यमा निर्वाचित हुनु भएकोमा बधाई ज्ञापन गर्दै संघको कार्यालयमा सम्मान गरेको छ ।

नाटाका अध्यक्ष सिग्देलका अनुसार विश्व माहामारीको रुपमा फैलिएको कोभिड १९ बाट संघका सदस्यहरुलाई पर्न सक्ने प्रभावलाई मध्यनजर गरी गरिएको बिमा बाट प्राप्त रकम संघका सदस्यहरु नबराज अधिकारी र बिजय पौडेललाई हस्तान्तरण गरिएको छ ।

यस अगाडी संघका सदस्य सोम बहादुर थापालाई बिमा रकम भुक्तान गरिएको थियो भने १३ जना सदस्यहरुको प्रक्रियामा रहेको बताइन्छ ।

You may also like...

“प्रविधिको प्रयोगले सुशासन स्थापित गर्न सघाउँछ ” पोखरा, १३ चैत । नेपाल पर्यटनबोर्ड गण्डकी प्रदेशका प्रमुख काशिराज भण्डारीले प्रविधिले आमने सामने भएर गरिने कामलाई कम गराउँदै छिटो र छरितोसँगै सुशासनमा स्थापित गर्न पनि सघाउ पु¥याउने बताउनु भएको छ । पोखरा पर्यटन परिषदले संस्थामा आवद्ध पर्यटन व्यवसायीहरुका लागि आयोजना गरेको दुई दिने डिजिटलमार्केटिङ एण्ड सोसल मिडिया तालिमको बिहिबार समापन समारोहमा भण्डारीले डिजिटल मार्केटिङबाट विश्वलाई जोडेर पर्यटन प्रर्वद्धन गर्न सकिने र प्रविधिबाट हरेक गतिविधि पारदर्शी हुने हुँदा सुशासन कायम हुने बताउनु भएको हो । उहाँले पछिल्लो समय पर्यटनमा सोसल मिडिया पनि निकै शक्तिशाली माध्यम बन्दै गएको जनाउँदै यसको सही सदुपयोग गरेर फाइदा लिन व्यवसायीलाई आग्रह गर्नुभयो । “प्रतिष्पर्धाको बजारमा डिजिटल मार्केटिङमा पछाडि परे व्यवसाय पनि पछाडि पर्ने पर्छ, प्रविधिमैत्री पूर्वाधारसँगै यस विषयको ज्ञानलिन सके पर्यटन क्षेत्रलाई थप व्यवस्थित गराउन सकिन्छ ।” भण्डारीले भन्नुभयो । नेपाल पर्यटनबोर्ड गण्डकी प्रदेशको प्रवद्र्धनमा सम्पन्न तालिममा परिषदका संस्थाका संस्थापक अध्यक्ष अशोक पालिखेले प्रविधिको प्रयोगलाई सदुपयोग गर्न सके व्यवसायिक सफलता हासिल गर्न सकिने बताउनुभयो । कोभिड १९ को कारणले व्यवसायमा शिथिलता आएको जनाउँदै अब प्रविधिको माध्यमबाट पोखराको पर्यटनलाई ब्राण्डिङ गर्न नविनतम् सोचको खाँचो औल्याउनुभयो । कार्यक्रमको अध्यक्षता ग्रहण गरिरहनु भएका परिषद्का उपाध्यक्ष पोमनारायण श्रेष्ठले पर्यटन क्षेत्रलाई प्रविधि मैत्री बनाएर गुणस्तरीय सेवाप्रदान गर्नका लागि तालिम सञ्चालन गरेको बताउनुभयो । उहाँले पर्यटन व्यवसायीको क्षमता अभिवृद्धिका लागि यस तालिमले सघाउ पुर्याउने विश्वास व्यक्त गर्नुभयो । सहभागीको तर्फबाट तालिमको अनुभव राख्दै कमला गिरीले विश्वको जुनसुकै स्थानमा बसेर पनि डिजिटिल मार्केटिङबाट व्यवसाय प्रवद्र्धन गर्न सकिने कुरा तालिमको सैद्धान्तिक व्यवहारिक ज्ञानबाट हासिल गर्न सफल भएको बताउनुभयो । तालिमका प्रशिक्षक पारस देवकोटाले सहभागीहरुले डिजिटल र सोसल मिडियाको बारेमा विभिन्न जिज्ञासासहित सहभागीता जनाएको बताउनुभयो । फेसबुक र गुगलबाट व्यवसायको प्रवद्र्धनका लागि सहभागीले बढी रुची देखाएको उहाँको भनाइ थियो ।सोसल साइटमा अनुत्पादक समय खर्च गर्नु भन्दा व्यवसायीक रुपबाट समय दिन सके व्यवसायिक लाभलिन सकिने उहाँको भनाइ थियो । । देवकोटासँगै सो तालिममा उज्जवल पौडेल, सुमिरन केसी, प्रतीकमणी पौडेलले समाजिक सञ्जाल र डिजिल मार्केटिङ सम्बन्धि विविध विषयको सैद्धान्तिक र व्यवहारिक प्रशिक्षण दिनुभएको थियो । संस्थाका महासचिव रामचन्द्र शर्माले परिषदसँग आवद्ध १२ संस्था करिब एक सय जना पर्यटन व्यवसायीहरु तालिममा सहभागिता रहेको र उनीहरुलाई सहभागिताको प्रमाणपत्र वितरण गरिएको जानकारी दिनुभयो ।

Leave a Reply

Your email address will not be published. Required fields are marked *